Jose Manuel Barroso, kreu i Komisionit Europian nga Maqedonia, ka sqaruar se fakti që nuk vizitoi disa vende të Ballkanit, mes të cilave Shqipëria, nuk do të thotë që ato janë më pak të rëndësishme. “Nuk mund t’i vizitoja të tëra në bllok. Vizitova 4, të tjerat herë tjetër. Ajo që theksova është përkrahja jonë e fuqishme për zgjerimin me vendet e Ballkanit”, ka pohuar Barroso. Barroso është shprehur se shpreson që vendet që kanë probleme të brendshme politike t’i zgjidhin ato, gjithmonë në kuadër të forcimit të së drejtës, sepse këto janë vlerat tona të përbashkëta dhe në këtë mënyrë mendoj se duhet të zgjidhen problemet, ka thënë ai. “Shpresojmë se vendet me probleme të brendshme politike do t’i zgjidhin ato. Fakti që nuk kam ndaluar në të gjitha vendet e rajonit, nuk u jep më shumë rëndësi vendeve të tjera ku isha”, ka pohuar Barroso.