I përkisnin një biznesmeni sicilian

Autoritetet italiane kanë bllokuar asete me vlerë gati 2 miliardë dollarë, që dyshohet se janë mafioze. Këto asete i përkasin biznesmenit sicilian, Vito Nicastri, i cili akuzohet për lidhje me grupin mafioz famëkeq, “Cosa Nostra”. Në këto asete përfshihen më shumë se 40 kompani, qindra hektarë toke, llogari bankare, jahte luksoze, makina e vila. Hetuesit thanë se në mesin e kompanive të zotit Nicastri janë edhe ato që menaxhojnë turbina të erës dhe fabrika të paneleve diellore. Mafia besohet se është infiltruar në tregun e energjisë së ripërtëritshme që po zhvillohet me shpejtësi.
Ky është një nga operacionet e ndërmarrë prej policisë italiane së fundmi dhe ndërkohë ka plane për ndërmarrjen e operacioneve të tjera për sekuestrimin e aseteve italiane.