Në fjalën e tij përshëndetëse në këtë kongres, Meta deklaroi se të gjithë kombet tona dhe qytetarët tanë, të ndarë në shumë shtete, duhet të bëjnë një zgjedhje: Të bashkohen së bashku në Bruksel.

“Le të inkurajojmë qytetarët tanë të kontribuojnë për një jetë më të mirë, duke ndarë së bashku kontribute dhe përgjegjësi, kudo që ata jetojnë në Kosovë, në Bosnjë, në Preshevë, në Maqedoni edhe gjetkë; le t’i japim më pak rëndësi kufijve dhe vijave tona ndarëse dhe le t’i arrijmë objektivat reciproke duke u bashkuar në veprime të përbashkëta. Le ta bëjmë integrimin mes nesh objektivin sublim të rajonit tonë. Unë jam shumë i sigurt se kjo është e mundshme. Unë kam besimin se partia juaj do të vazhdojë të jetë një forcë iluminuese në Serbi, një forcë e progresit dhe e integrimit”, u shpreh Meta.

Një ditë para kongresit Meta është takuar edhe me presidentin serb Tadiç, me të cilin ka biseduar në lidhje me marrëdhëniet dypalëshe.