Pasi kanë qëndruar disa minuta në këmbë, zoti Berisha është ulur me një gotë shampanjë në dorë, ndërsa zoti Nano gjithashtu është ulur ne kolltukun ngjitur ku kanë vijuar bisedën. Po në të njëjtën tavolinë u bashkuan edhe ministrat Sokol Olldashi e Aldo Bumci si dhe këshilltari Kryeministrit Neritan Ceka.  Ky ishte takimi i tyre i parë pas vetë-ofrimit të Nanos në garën presidenciale.

Sikurse edhe në ditët e shkuara zoti Berisha ka theksuar pozicionin

e PD për cështjen e zgjedhjes së presidentit të ardhshëm. 

“Unë mendoj që tani nuk duhet të bëni lidhje të paqëndrushme. Me ish kryeministri Nano ishim  sëbashku dhe me shumë personalitete të tjera në këtë premierë”, tha Berisha, i cili theksoi se qëndrimet për cështjen e presidentit janë shprehur.

Ndersa Nano nuk preferuar të komentojë nësë këtë mundësi takimi me kryeministrin Berisha e ka shfrytëzuar për të diskutuar rreth platformës së tij. “Sot këtu ishim për një takim me diktatorin”, tha ai. 

Ky takim mes tyre u realizua pas premieres se dokumentarit “Diktatori” në kinema Milenium.

Berisha nesër udheton drejt Shteteve të Bashkuara të Amerikës dhe takimi që Nano pret të realizoje me të mund të ndodhë vetëm pas kthimit të kryeministrit në Tiranë.